阿鬼
每一次香港和澳門特首選舉，一般市民都唔太想理，因為通常都無票，只有親中人士和指定建制派才有，更不要說候選人是如何產生等問題，從頭到尾也不是真正的選舉。像日前澳門完成新一屆特首選舉，很多人會質疑做戲，以及「做俾邊個睇」。很多人都以為中共自己一個人更開心，但事實上用這些所謂選舉，對於中共宣傳特區仍然是國際城市有一定的幫助。
對於外國人來說，選舉就是代表一人一票的民主制度，就算是選舉人票，抑或選一個黨出來，最少都係有得選。中共把香港和澳門特首稱為選舉，可以令外國人誤以為船他們熟識的選舉制度一樣，輕鬆地混淆視聽。大家簡單地看看外媒就澳門特首選舉的報道，像Reuters路透社等，都用上選舉等字眼，連引號都無。就算睇埋內文，都會發覺沒有任何一句提到澳門的特首選舉根本就不是選舉。路透社就像中共官方喉舌，寫道得394票當選，最尾僅一句寫道當選的岑浩輝需獲中共批准才可正式上任。
試幻想自己是一個外國人去看這段新聞，都會以為澳門其實有民主，更會以為澳門人有權選特首。雖然能否上任要有中共最後批准，但外國人可能會覺得這樣合情合理。由此可見，就算你是一個關心新聞的外國人，唔睇黨媒睇路透，睇埋內文都可能以為澳門有民主。更不要說現在外國年青人肯睇新聞標題已經好好，更多的是睇中共抖音TikTok年代，連自己國家政治都唔想理，中共這樣造假選舉當然可以令人誤以為澳門或其他特區其實都有選舉有民主，「其實都唔係咁差咁無民主」。小編試過有幾次在外國酒吧與陌生外國人聊天，他們都曾經問我，香港特首選舉會否回去投票⋯
