阿鬼
鏡安法一詞並不是新鮮事，但RubberBand的泥鯭最近的言論，再度引發討論，而且今次更多人出來「反鏡」，連盧覓雪也忍不出來撐泥鯭，強調應有言論自由。其實，這一連串的事件，突顯在政治氣氛惡劣的中國香港，已經追星追到忘記初衷，不要再期望香港可以有什麼民主。
當初大家希望撐TVB以外的新免費電視台，就是討厭一台獨大，亦討論TVB新聞報道政治偏頗。究竟鏡MIRROR有無才華和能力，大家心中有數。但無可否認的是，ViuTV能夠變得如此受歡迎，與政治因素或多或少都會有一點關係。你可能會講「利申不是鏡粉，但我覺得MIRROR唱歌好聽、好努力、好孝順囉，同政治無關」，但每次當有所謂「反鏡」的人提到ViuTV背後其實更強的中資背景，這些「利申不是鏡粉」的人，就會衝出來罵「你係咪鬥黃」，一唔係就會話「咁RubberBand都上ViuTV啦，佢地係咪又投共呀！」，根本從頭到尾都承認了撐ViuTV與「黃」有一定關係。
若果抽起中資背景唔講，其實TVB現在的失敗、ViuTV的強勢，證明「黃圈」已經「成功」。可惜，這些其實都只是由「不滿毛澤東，走去支持普京」的情況。ViuTV本身對傳媒的惡劣程度，與TVB根本唔好得去邊。你可能會話「利申不是記者」，但ViuTV現在的舉動與大台根本無分別。每日都會播的ViuTV早晨和新聞報道方式，也同樣與TVB新聞一樣偏頗，當然「利申不是鏡粉」的人，又話ViuTV新聞是now新聞台，「唔計」。咁其實myTV SUPER和TVB新聞都唔係同一間公司，咁係咪又可以去支持myTV SUPER？
當初希望香港有更多免費電視台，就是想有更多空間，有新的台可以更香港、更道地、甚至乎可以敢發聲。我們其實可以稍為體諒ViuTV在港無可避免要跟黨走，但最荒謬的追星人士忘記初衷，忘記自己為何討厭大台想ViuTV上位，現在變成像當年愛看TVB的廢老一樣，逼你一定要愛上譚生一樣。一話TVB肥皂劇來來去去都一樣，廢老就衝入黎鬧到你飛起，無法接受那怕只係一點點的批評。自己鐘意嘅就話「黃」，呢樣「中資」唔計個樣「偏頗」唔計，有咩事「花姐都唔想嘅」。「講曬」。
