「我老婆嫁左比Mirror導致婚姻破裂關注組」將於演唱會後關閉　　版主對賣飛情況不滿、公關串爆以？回應查詢

「我老婆嫁左比Mirror導致婚姻破裂關注組」Facebook Group在男子組合Mirror爆紅時，亦跟住爆紅。在外面仍在爭論Mirror幫麥當勞賣廣告事件時，有關Facebook Group有不少人都爭住購買Mirror有份代言的產品，據稱麥當勞等有搵Mirror拍廣告的，都成功在社會事件後「翻身」。Mirror原定在今年7月舉行演唱會，日前在Group中有不少人搶飛。數小時前，該Group的版主忍唔住爆Seed，稱對於演唱會安排十分不滿，並聲言在Mirror演唱會後關閉這個超過35萬人的Facebook Group。

於演唱會賣飛當日，已有人指出有過多預留的門票，公開實名發售的只有少量。再加上昨天香港電訊宣佈推出「MIRROR首個紅館演唱會門票抽奬」，當中要申請指定的其中1項指定香港電訊服務計劃，才有機會抽HK$480門票2張。版主在Group中形容就像養大個仔去參加畢業典禮，「你要睇下好唔好彩先買到飛，一係你就幫襯校長個fd買份保險，一係就係canteen買24個月餐券」。

版主再鬧指「錢係要賺，但食相唔係咁難睇掛」，又稱主辦單位為大黃牛。版主更宣稱「唔洗驚，今次實有人睇架」，又說「下次？唔知嚕」。

本站winandmac記者曾向宣佈香港電訊門票抽奬計劃的公關查詢，公關以「？」回應。本站記者亦有向ViuTV公關查詢，截稿前未有任何回應。