阿鬼
被網民戲稱為「波台狗」的連登體育台網民，早前已經不停發表文章，稱攬炒巴劉祖廸拎住眾籌的錢嘆世界，又說他有咩事就眾籌，唔駛做等等。其後有關文章漫延至其他台，包括時事台等，而且愈講愈誇張，稱攬炒巴當年在英國受襲是自編自導自演。自從疫情以來，網上突然又興起捉鬼風氣，劉祖廸終於忍不住在Facebook上載當時受襲的影片，大罵「證據喺度呀你老味！捉完前線鬼，就捉國際線鬼，捉x夠未姐？」。
劉祖廸稱當時因為太血腥，亦無曝光，而且亦估唔到咁癲會「捉鬼捉到無所不用其極」。他續指「有無報警？有。」、「有無入院？有，醫院手帶、入院紙、腦震盪醫生紙都有。」。他強調沒有侵吞金錢，反而要自己倒貼。並指當時與重光團隊和平分家時，「重光團隊自己都承認全面控制1600萬，佢地要hold錢、要推BNO，攬炒團隊同我10月已經無奈接受，由佢地。」。
他自己本身要返工和進修，其餘時間都是為香港民主運動而努力。他指自己曾被拘捕，目前又被通緝，「洗頭艇又隨時坐。」，現在家庭破碎之餘亦無法返港。他忍不住反問「到底前世係咪欠x咗香港？同你交換人生好唔好？」。他指其他流亡手足會唔會墮落我唔知，他就一定唔會。
他稱目前與元祖攬炒團隊，一直都無怨無悔貼錢貼時間努力突破。在大家努力捉鬼的時候，他正預備緊與本土手足在Henry Jackson Society於1月7號發言。最後他稱「從今以後，要錢就去搵Stand with Hong Kong重光團隊！」。
