曾被指「港獨」周柏豪上黨媒指「要聽阿媽話」　　杜汶澤忍唔住串

曾經因為撐區選，叫大家登記做選民，而被大陸網民稱為「港獨」的周柏豪，早前突然發佈一張相片，稱「不得不心存感激自己身為一個中國人」後，已經引發網民極大反應。因為當初周柏豪被人以為是撐民主，所以先叫大家投票，如今突然心存感激做中國人，大家都應該立即明曬啦。

唔知係經理人定自己想上，定係究竟有個家庭真係好大壓力，感激做中國人唔夠，最近仲上埋大公文匯旗下的點新聞節目，談有人要求制裁中國真係好唔啱。周柏豪話要聽阿媽話、要孝順，「自己同阿媽嘈交，無理由搵隔離屋個師奶打自己阿媽」，阿叻陳百祥在旁即稱「幾好嘅比喻」。周柏豪又說，社會運動時間有人「私了」的行為，他很怕看到有關影片，「我係好驚」，強調反對暴力。他續指這件事並不合法，完全不認同。

杜汶澤今日都忍不住串爆周柏豪，大爆周柏豪未紅的時候已經想做余文樂，跟得好貼，甚至超越佢，如今終於做到了。杜汶澤最尾更加一句「樂仔你要加油」，串埋余文樂。余文樂已與與台灣「皮帶千金」王棠云結婚，目前正在台灣生活，在中國大陸有服裝生意，亦有做護旗手，表明反港獨。