周小龍將開新舖用勁「黃」文宣裝修　　網民大叫「痴線、好勇」

由最初被人話扮黃，到後來被人話為咗參選，至今無得選後仍然繼續努力發聲的童裝店Chickeeduck老闆周小龍，最近又有新搞作。他將於天后興發街56號開新舖，但似乎今次不只是賣童裝，當中店名加上「藝術生活百貨」。我們winandmac Media記者曾向其公關代表查詢，只知道暫時乜都賣，似乎很多事情都未確定。

新舖將於12月16日開張，其中一個特別之處是店舖裝修用了不少文宣，即時引起不少網民討論。有網民擔心，近來政府有這麼多拘捕行動會否有點太危險，不少網民更留言稱「痴線，好勇」。但亦有網民指出，「出錢負責嗰個都唔驚，連登仔走去話人送頭做多咗放負做乜x，自己唔敢做就縮埋一邊啦」。