見樣後港女即揀大劉個仔　　男神大比併結果都係錢最實際？

叫大家去少啲日本就買到樓的劉鳴煒，近日上港台節目《我係乜乜乜》，同一個唔係咁多人識的演員游學修，玩男神大比併。節目請了一大班港女，由他們向游學修和大劉個仔劉鳴煒問問題，過程開始時港女們唔知邊個打邊個，因為有布幕遮住。港女們憑答案，起初幾乎大比數都揀咗游學修。

點知個幕一開，港女們就現形啦，全部走曬過去大劉個仔。港女們仲話「我覺得樣同成個package嘅組合，都係佢好啲」、「我淨係睇樣」、「劉鳴煒就真係成熟穩重，同埋佢隻眼真係好靚。（大笑）」等等，游學修係現場聽到都O咗個咀。

大劉個仔雖然都認為港女好現實，但都力撐港女，話「To be fair（公平一點），男士揀女士都係睇長相」。啦啦啦，大家睇下佢逆轉勝後得意嘅樣。原影片在本文章最後。

[ae-fb-embed url=”https://www.facebook.com/565309940283256/videos/vb.565309940283256/584561938358056/?type=2&theater” width=”720″]