阿鬼
iOS 9有一項新增的功能，很多傳媒都不知道究竟應不應該談論。這項功能就是iOS 9 apps可以進一步控制預設的Safari瀏覽器，令載入網頁時完全不載入廣告。由於有關技術是網頁未載入前就即時剷除任何網站廣告，用家當然用得很開心。但其實，若果大家都用這些apps的話，到最後害死的就是自己。
香港好多人鐘意話：我無乜數據用量嫁，廣告阻住曬，又或我都係想睇內容者，睇咗你就賺咗嫁啦。差在未學人講：要不是XXX照顧你們，早就完蛋了！
老實說，winandmac.com小編在這裏怎樣說，也無法控制到你用或不用。但是，我們希望蘋果用家不會變得像其他人一樣，又要免費又要高質素又要無廣告咁無良。記者，都要開飯的。有良心有善心的，真係盡量唔好用任何ad blocker。我地做咗傳媒好多年，搞咗網站咁耐，盡量有咩料同大家報，唔會係又唔係收客錢，亦都減少打手文。打手文係有，但比任何一個科技網站都少好多。
網站收入從何而來，最好的方式就是傳統廣告。因為若果是打手文，除非網站onX到好似winandmac.com咁，係結尾寫明「資料由客戶提供」，否則讀者根本難以知道是否打手文。只要廣告不太過份，你睇到文章，我賺到一兩蚊，總好過日日打手文跟你推銷產品。你禁入黎睇一隻半隻廣告，網站唔會咁樣一㩒就賺五萬蚊一個月。而且，你再隔廣告，香港客要求極高，數據慳慳地都要幾多幾多百萬，我地要放咁多隻ad，都只係頂盡連埋自己兩個人幫手。
作為用家，各網站做出黎的內容，無論你覺得幾廢，其實都有好重成本。就算唔採訪，租伺服器等，唔係免費的。而且，大家睇落整網站好似好平，但其實去到中小型，卡住係中間，其實條數好貴。你唔通仲俾US$3.99一個月，你肯人地租伺服器的供應商都唔做你生意。
若果未來大家用ad blocker係咁block廣告，做網站內容嘅，得三條路揀。第一條做垃圾內容農場，鬥多鬥垃圾，整低個成本。（實際上，有不少香港網站乜鬼都報，減少去採訪，係網上狂抄料。）。第二就係公關俾咩稿，有咩記者會，全部都要收錢先出，收得錢當然要SELL，到最尾受害的係你地呢班讀者。（實際上有部份香港網站已經落實咁做，講到明無錢就唔出。）唔好怪某大科技網站咁多打手文，或多或少係香港呢班讀者成日想唔駛錢又要有嘢睇引發。第三就係直頭執咗佢唔做。呀，仲有第四條路嘅，等睇全部都中資傳媒，係咁同你講小米呀個啲，個個變立山傳媒咁你睇唔睇？
所以，無論你是否用蘋果，都唔好為咗所謂的用戶體驗，行為等同自殺。我和我拍檔唔做網站唔緊要，但有一日得番打手同垃圾資訊，咁點？
