快生日了　　真的不想再在Facebook只見到HBD

小編經常都說，自從Facebook出現後，很多事情都改變了。從負面的角度來看，網站為求爭Like和Reach，不得不寫一些Juicy的內容。而接近五一生日的一刻，突然引發小編對於別人或自己生日時的一些想法。

係很久很久以前，雖然未有Facebook的出現，但當年都有手機和電腦的時候，一有朋友生日，大家無論幾忙都好，都會約下出黎食個飯。雖然，衰啲講，有時未必真係為咗慶祝生日，只係俾大家一個機會，真正放低手頭上的工作，出黎聚下。

有人說，Facebook原本係方便大家聯絡，但其實似乎給忙碌的香港人多一個方法，減少出黎聚下的機會。到朋友生日了，又或自己生日，大家只係Facebook講句Happy Birthday，其至乎按多幾個字都懶，寫「HBD」。就可以係工作表上打個剔，叫一句「job done」。

可能有人睇到呢篇文唔開心，然後俾自己一萬個理由，例如「你知啦，我忙呀嘛」、「唔駛搵食咩，你都話香港生活費貴啦」、「人地都留言俾你啦，仲想點」、「乜你生日咁多要求，大曬咩」，然後最後當然要鬥慘「我生日都有啲人無寫Happy Birthday啦，你有咁多咪算好囉，嘈嘈嘈」，以及最經典的「我30年的生日都自己一個人過啦，有咩大不了」。我唔知大家生活係咪真係忙到，停一日都停唔到，又或我呢一刻先發覺，所謂朋友其實都唔係朋友。