Netflix廣告平價月費計劃11月登場　　約HK$54有部份內容睇唔到、下載都唔得

Netflix早前宣佈即將加入新的月費計劃，聲稱會比現時基本月費更便宜，但就會有廣告。Netflix於數小時前就正式公佈有關含廣告月費計劃，將於11月3日登場，首階段只會在12個國家推出，包括英國、加拿大、日本、澳洲、法國、德國、意大利、韓國、西班牙、美國、巴西、墨西哥，亦即香港無份。各地的月費會有不同，以不少港人移民的英國為例，月費為£4.99，而加拿大的月費則為$5.99，全部都比其基本計劃便宜。

可是，這個新月費計劃都有勁多限制，包括解像度僅720p，而且亦無下載功能。若要搭飛機等未必有Wi-Fi情況時，想預先下載一些節目睇都唔得。最重要的是，內容將以Netflix原創為主，有部份非Netflix擁有的節目或電影，將因為授權問題暫時未必有得睇。Netflix稱他們正在努力解決有關問題中。

Netflix稱，首階段每個廣告為15至30秒，會在節目或電影的開始或中途播放。平均而言，每小時將會有4至5分鐘廣告。