iOS 16新加廣東話拼音輸入法　　唔識靠建議字詞快速輸入也可、不再靠國語拼音

蘋果在剛剛數小時前在WWDC發佈新的iOS 16程式開發員測試版，其中一個外國傳媒未必會睇到嘅新功能，就係加入咗廣東話拼音輸入法。用家只要係系統設定入邊嘅鍵盤輸入方式，如常揀選廣東話，之後就可以揀選廣東話拼音輸入。

好多人會話佢哋根本未學過廣東話拼音，但我哋亦都測試左有關功能，發覺就算唔識廣東話拼音，只要打類似相關嘅英文字母，就算唔係100%準確，都可以出到相關建議字詞，又或甚至乎英文再混合廣東話拼音都得。例如要打香港人，你可以打「hong kong y」，建議字詞就已經可以顯示到「香港人」一詞。打錯拼音亦有機會出到相關字詞，例如「屌你」，就算打「diu l」（你的拼音應為nei），建議字詞亦出到「屌你」一詞。