財政司長陳茂波稱消費券令「氣氛好咗」　　認為市民覺得「得意」、七成人用八達通

財政司長陳茂波稱消費券可以協助推動電子消費，但他昨天出席香港電台星期六問責的節目時，提到七成的市民選擇八達通，兩成人選擇支付寶，5%選用微信，5%則選用Tap & Go。這表示雖然Tap & Go在消費券派發期間頻頻出事，但實際上使用的人可能約30多萬人而已，不少香港市民仍然選擇已使用多年的八達通拎消費券，能否真正推動電子支付普及化，抑或只是令商戶僅加裝八達通機而已，實為一個大問題。

另外，陳茂波在電台節目中，亦提到消費券第一期派發前疫情受控，指大家出黎活動多咗，「氣氛好咗」，再加上奧運港隊於當時表現出色，他們見到香港市民於當時消費都開心。他續指政府今次選擇四間不同的電子支付工具，互相競爭激烈，亦有提供不同優惠，他認為對於市民來說過程黎講覺得「得意」，亦有得益，認為消費氣氛幾好。

陳茂波稱自己有落區考察，指餐飲業旺咗好多，比較明顯，而零售業則「起碼旺咗丁先」，人流多咗，「有啲做多啲，有啲無咁多」，但整體他都覺得是好的。