元朗華記街站曾自認721「我有份打」老伯　　涉暴動被捕、華記楊官華回應「對唔住」

元朗721事件中，早前僅得7名人士被裁定罪成。華記正能量的華記楊官華，早前特別在元朗西鐵站外設街站聲援被判刑的被告。當時突然一名八旬老伯突然上前簽名，華記就多口問老伯，「個晚係唔係度」。老伯稱「我有份打嫁」，但華記聽唔清楚，竟拿揚聲器俾阿伯叫阿伯再講多次，阿伯大大聲講「我點解唔喺度呀？」、「我有份打㗎。」。華記即尷尬指，「大佬！你唔好咁」，然後著阿伯離開。

可是，當時珍惜群組李璧而在旁邊竟不停加口，還稱「老人家都識得去守護家園」，「唔通你拉佢呀」，反指是因為他人撩事鬥非。華記其後極速在網上宣佈與李璧而割席。

如今根據傳媒報道指，該名八旬老伯已被指涉參與暴動以及串謀有意圖而傷人被捕。華記楊官華得悉事件後，在Facebook稱「OMG！對唔住!我真係我害左佢。十分對不起Sorry⋯嘆……」，並加上大量的表情符號。