杜汶澤回應連登仔訴求　　蘋果日報副刊節目或重生？

蘋果日報停刊消息出街後，有不少黃店老闆都主動支持，稱請人都會以蘋果員工優先，杜汶澤便是其中之一。連登仔對蘋果日報當然有不少討論，有一位網民就專登發表文章，沒有用蘋果日報等字眼做標題，反而指明道姓叫杜汶澤入去睇。原因是因為該網民認為蘋果日報的副刊果籽真係好好睇，更坦白地指比起杜汶澤的喱騷Late Show收費節目更有觀賞性，希望杜汶澤可以出資繼續經營果籽節目。該網民更聲稱若杜汶澤肯的話，將即時課金支持杜汶澤收費台。

經過不停的推post和其他網民的正面支持後，杜汶澤終於在Facebook回應，指「你哋嘅聲音我已經聽到」，並問「有冇果籽嘅creative同事有興趣屈就下，去我哋公司度做？你哋一定有辦法搵到我嘅……」，似乎真係想吸納果籽的人才，為其收費台杜汶澤喱騷製作更多節目。

杜汶澤其實早前亦已表示，已聘請了一名曾在壹傳媒工作的員工，去擔任其公司節目製作經理一職。