阿鬼
陶傑日前出席港台城市論壇時，與其他同場嘉賓談及BNO問題。他提到有關問題上不應太情緒化，因為由正能量方面來說，英國推BNO措施其實係幫中國和香港。陶傑引述親中愛國人士、科技大學雷鼎鳴博士上年7月指，若香港走咁30幾萬人，對國家絕對是好事，因為可以完成人力資源的替換。由經濟來說，陶傑十分讚成有關說法。「加埋佢後面好多支持者，話留島不留人，呢啲聲音我諗英國係一定聽到。既然聽到，佢哋本住為香港好同中國好，既然我哋咁想轉換人力資源，咪幫幫你囉。」陶傑續稱這是好事不是壞事，「佢真係幫你留島不留人」，同埋英國真係加一把力幫你完成人力資源替換。
第二話帶走資金，陶傑指賣走太古城呢啲樓，更加係幫香港。因為梁振英和林鄭上台時都有投訴樓價太高，而家走得多，假設太古城樓價跌五成，好多人買得起，亦協助香港經濟改革調整，「唔理啲咩政治嘅嘢呀」。
至於有不少親中人士指英國「政治圖謀」，陶傑再一次指這些都是太情緒化，「有強姦無侷賭」。有人指去到英國指會成為「二等公民」，陶傑回應指「請問你點樣定義二等公民」，質問擁有英國公民身份李澤鉅係咪二等公民，「喂，有錢咪一等公民囉」。他又笑言前美國副總統彭斯離開白宮連樓都沒有，寄住在哥哥家中「就是二等公民」。陶傑勸大家不用擔心一個人去了英國或加拿大係一等定二等，「呢啲係佢自己選擇和感覺」。
陶傑又大讚這種討論好好，不如整一個「全球愛國華人二等公民自我感覺惡劣訴苦大會」，「一人講一句呀我點二等，我黃皮膚被人踢蘿袖呀，係後面最近被人吐口水」。他稱這種訴苦集氣大會，更有效阻嚇到香港擁有BNO的人不去英國。事實上，不少討論區如連登等，真的開始有類似的訴苦文章。
再被問到去到英國找工作是否困難，而且人工又低了不少。陶傑反問「全世界都難，係香港容易咩你覺得？係香港商廈做個飲食業，你覺得好容易做？」，反而在外國飲食業若無瘟疫會因為租金便宜較易做。他更不點名串爆中大內地教授李薇，指美國英國做大學講師四五萬美金一年，係香港就坐底十萬八萬，「仲可以俾你係街邊掃盂蘭節免費食品」。他稱成個大趨勢全世界搵食艱難，「包括大陸OK？」。陶傑在最後提到，2016年時任政務司司長林鄭月娥接受陳志雲專訪時，曾講過去多年最開心嘅日子係英國。
有網民更熱心地抽出陶傑發言時的段落，大致如下：
3:10 預測BNO持有人移民人數
21:43 BNO對香港經濟的好處
24:21 中國對BNO的反制措施
39:01 何謂二等公民？
46:20 林鄭最開心嘅日子
