阿鬼
施老闆對bitcoin認知嘅錯誤唔係佢一個人嘅問題，而係普遍上咗年紀又事業有成嘅人都係咁睇。我哋唔應該針對佢個人，而係一整個群族咁睇，老土d講，又係世代之爭。相信坊間已經好多討論佢有幾多錯concept，我就唔重覆人哋口水尾了。我寫d新嘢啦。
可能施老闆貴人事忙，唔記得咗中原其實係其中一個最早有blockchain物業平台嘅公司？施老闆個仔施俊嶸2019年已經推動中原採納區塊鏈技術，可見中原係比較有前瞻性，亦肯去試新技術。
bitcoin係第一個區塊鏈系統，冇bitcoin，就冇中原呢套系統。
區塊鏈技術絕對有其價值，買入bitcoin亦係一種民眾集體智慧嘅結晶。每當有專家出嚟話bitcoin係廢紙（最近已經有好多），等於與民為敵，係需要好大勇氣。奉勸各位專家，與其出嚟講幾句，不如將呢份勇氣，變成賺錢嘅能力，去各大crypto交易所，瞓身short BTC，到時賺嘅錢買返花生派俾我哋呢啲loser，我哋一定感恩流涕，一生記住呢個血的教訓。
套用施生觀點，區塊鏈根本唔可信，無果樣整果樣，『設計者故弄玄虛』，『一點實質有用的價值都沒有創造出來。簡直
就是浪費。』，『再者區塊鏈的技術日新月異』係咪都可以用返落中原呢個系統身上？
期待施老闆可以同仔仔多溝通再出文～
作者李思聰為軟件公司RedSo合夥人
winandmac Media獲授權轉載文章，原文可按此，本文部份內容稍作更改。本文章為回應施永青於其公司旗下報章發表的比特幣觀點作出回應，相關內容可按此。
