阿鬼
近排不少人都轉會去MeWe，如常分享生活點滴、上載相片影片、發佈大量內容，加上MeWe本身無廣告，用得十分高興。事實上，世界上無免費午餐，伺服器等開支費用其實很龐大，羊毛出自羊身上。MeWe很多功能其實都要收錢，包括分享太多相片或影片等都不是完全免費。
MeWe免費版只有8GB，雖然官方指空間充足，但對於飲杯咖啡都要影張相放上網的用家來說，或許未必足夠。就算你不是飲杯咖啡放上網，你留言放上圖片或影片等，其實都會計算在內，佔用一定的空間。又若果你本身已經願意課金俾錢開Page，你在Page上載的相片或影片內容，都會計算在8GB空間用量中，用爆咗要額外再俾錢。小數怕長計，現在就算是手機影相都極高質素，對於習慣無限任放嘅Facebook移民來說，難免轉會後會唔慣。
MeWe本身的收費版為US$4.99一個月，當中提供更多功能，包括上載空間大到有100GB，以及不同主題、無限視像通話和貼圖等。100GB總比8GB好，但是否已足夠又值得商榷。當然，你也是可以付錢再增加儲存容量，500GB的儲存空間為每個月US$14.99。
2018年時，曾有報道指MeWe成功集資US$520萬，當時已決定唔靠廣告，靠用戶俾錢支撐網站開支。很多人會覺得，若果多人願意從Facebook轉會MeWe，用戶多咗收費MeWe可望會減價。可惜，這未必一定，亦無必然關係。網站人流上升，多人發佈影片，成本開支有可能會按比例上升。
當然，寫這篇文章不是叫大家唔好轉會MeWe，反而更鼓勵大家做好心理準備，按自己需要和能力課金支持一下。若無能力都轉定會，暫時唔好放太多相，盡量多用一點文字交流、留言或廣傳喜愛嘅page嘅文章。轉會不是要妄想Facebook即時「死亡」，而是希望Facebook知道大家其實唔係無得揀，要課金大家也未必不支持。這樣Facebook先唔會再咁痴線，社交網絡再唔會係得一個兩個咁獨裁。
