阿鬼
早前人稱滑鼠娘娘的鄺頌晴和曾被中國驅逐出境的德籍清華大學學生David Missal，發起德國聯署，但可能因為最初步驟太複雜，很多人都不願參加。幸好到最後也達到門檻所要求的5萬個簽名，理論上可以成功舉行聽證會，讓德國去討論和研究制裁中國的措施。鄺頌晴指達標後，網頁一直都冇出到meet quorum嘅字眼，加上呢個聯署出街都已經困難重重，起初都十分擔心。
最後，她終於收到德國國會嘅正式文件，確認獲得聽證會嘅資格。不過因為武漢肺炎疫情再爆發，聽證會日子仍然有待通知，鄺頌晴估計要在下年才會有聽證會。她認為只要係德國下年大選之前可以舉行到，效果不會相差好遠。
她續指，將希望在聽證會上「反映到 #save12hkyouths 嘅重要性、香港已經所剩無幾嘅自由、政制崩壞等等嘅問題，亦都希望委員會嘅議員可以响中國議題上表態；聽證會亦都係德國選舉前，其中一個正式討論中國問題嘅場合，希望可以令到更加多人關注中國議題，同關心台灣新疆等地嘅問題。」
她強調聽證會未必是神燈，但是整個過程的其中一小步。她提醒大家要救香港要靠自己，「唔係可以靠其他人，唔駛付出就可以完成。」
