人民日報出圖稱國安法為香港經濟撐腰　　唔識齒輪運作被人笑、定係真手足？

經港獨打救香港的奇怪海報設計後，人民日報於星期日又有引人發笑的奇怪設計登場。事源有一篇文章評論稱國安法為香港經濟撐腰，當中用上三個齒輪設計，左面是香港國安法，右邊兩個齒輪則是代表金錢和經濟上揚。可惜的是，這張新海報登場不久後又要被移除。

原因是無論香港抑或是微博的大陸網民，都發現這個設計有問題，因為三個齒輪這樣放就無法轉動。最離譜的是，右邊代表金錢和經濟上揚的齒輪原本無事可以轉動，但加上左邊的香港國安法後就卡死。難免令人聯想到，人民日報是不是想「高級黑」，暗喻香港國安法卡死香港經濟，令其停止運轉？

有大陸微博網民都立即回覆稱要扣相關的員工一個月人工，又指無文化真係太可怕。