阿鬼
明天就是投票日，由於抗爭行動仍未結束，很多人都十分關注。每一年其實都有風向稱不要投泛民，因為有人稱是建制B隊。不過，今年抗爭行動中，仍然有很多人看不到建制派如何對所謂的手足，以及泛民如何去在抗爭中出力。淨係不停私怨大過天，總之建制唔投，泛民亦都含淚唔投，邊個投泛民就unfriend邊個。咁，有唔少選區得建制與泛民，咁點搞？
先聲明一點，我地都唔鐘意泛民。莫乃光因為我地創辦人問咗一條難嘅問題（註：雖然有x過幾句），佢份人小氣到即時unfriend兼ban咗我地winandmac Media創辦人嘅Facebook，出黎記者會當我地winandmac Media隱形。之後楊岳橋去美國演講，得我地同蘋果日報美國有報道，楊生憎唔憎我地，自己諗。
泛民有邊幾個有出黎幫手，小編係度唔點名啦，大家有眼睇到。建制由抗爭活動開前，究竟罵咗幾多次暴徒，大家又有無睇到？仲有，話人食人血饅頭，就更加無謂。唔出去幫手，你又話佢係建制B隊。出去幫手，你又話食人血饅頭，究竟你地想點？同你問個港女或港仔另一半食飯，佢話無所謂，你話食中國菜佢又話唔好，自助餐又話太飽，日本菜又話生冷嘢，唔食又話餓死，煩到仆街，又無實際方法去解決問題。
最荒謬係前市長CY係度求其講兩句，話泛民乜乜乜，有啲示威者就即刻扯曬，話CY講真話抵讚，好讚同咁話。大佬呀，人地搞緊分化你咁開心。有好多選區都係得泛民、或親民主派或建制，咁你係咪叫佢地唔好投？有啲人更痴線地話係，因為要罰泛民咁話喎！頂你個肺，仲話要支持民主，民主都未有，咁快玩到咁extreme，放棄唯一（似乎仲有）嘅民主投票，真係吹漲。
利申番，唔係叫大家一定要投泛民。我地就愛國愛黨嘅，我地淨係覺得投邊個係睇番佢有無做嘢，有無真係幫到你自己或你個社區，投票未必有用，但呢樣唯一有嘅少少民主活動，完全無理由唔參與，更加無理由玩嘢投白票。用朋輩壓力係咁叫人亂x泛民，又話投建制唔得，咁你究竟想人點者？
