阿鬼
因管理不善而從全球最佳航空公司排名榜節節下跌的國泰航空，最近又大大力揀咗幾個聽話的傳媒，宣傳佢地最新的A350-1000的飛機。炒燶期油蝕錢，然後狂減服務質素，卻又甘願硬食嘅香港人，當然唔介意啦。仲有好多人話小編，你坐經濟艙就唔好咁多要求啦！
咁若果係商務艙呢，又係咪真係好好多？因航可能諗都諗唔到，本來叫班聽話傳媒幫下手，點知突然殺出一個講老實説話嘅外國傳媒。澳洲最近有人就睇過呢部A350-1000新機，發覺國泰為咗慳位，居然有最少兩個商務位，對正個廁所（上圖）。雖然話可以有塊布係咁二遮住，但大家搭過飛機都知，若果真係多人排嘅時候，你都唔駛諗話有得避。
雖然話大家揀位可以避咗呢兩個D和G嘅位，但有時心急真係揀唔到或揀唔切咁點算？不過咁講啦，香港人都係抵死嫁啦，寧願俾多啲錢買國泰，都唔考慮下其他明明平過國泰嘅中東三寶航空。
