做記者由當初每天期待上班　　到現在不知道在追尋什麼

我好記得，當初點解選擇做記者
就係好想憑力量改變呢個社會
說來誇張
始終入行只係一個科技記者
但我知道科技記者都係記者
肯去做總有機會為呢個社會出一點力

以前每日都好期待返工
因為每日都有唔同嘅嘢發生

講下講下做左十幾年
今日唔算全職專注做傳媒
但講多咗政治
靠自己無乜人睇嘅網站
做番傳媒應有的責任

睇到香港今日是非不分
斷章取義
一個肯為香港想為香港做改變嘅人
落得坐六年的下場

今天回家路上
前後左右都大陸人
他們好像在恥笑香港人
不但軟弱無能
連錢也沒有

我也在想
雖然明知香港早就已死
但連最後一個肯向前衝嘅都出事

究竟我每天生活
在追求什麼
在期待什麼

抑或只是毫無目的
像患了絕症的病人
活在這個討厭的香港
延續生命下去？