土耳其航空串爆馬逢國？！　　廣告稱：「享受獨有特權」

建制派立法會議員馬逢國近排唔知係咪唔記得咗，香港都未完全大陸化，佢居然係香港離開北京時，手提行李帶一支200克裝髮型造型啫喱。仲唔肯同保安合作，涉「撻朵」稱識機管局CEO，最終竟然成功上到機。雖然最後佢有解釋番件事，但好明顯係想好似「我阿爸是李剛」咁玩法。

土耳其航空唔知究竟係專登，定係無意，佢地居然有一個廣告，鼓勵大家成為會員，一齊享受商務旅遊獨有的特權。雖然話Facebook廣告好多時都未必知佢幾時登，同埋其實好個人化，咁啱得咁橋先會俾指定嘅人睇到，但都有網民忍唔住留言，話「特權是否包括200毫升」。