阿鬼
很多香港讀者都只愛批評，又不願意付錢，仲有唔少封鎖廣告，然後又要求多多。每年iPhone發表，幾乎都是IT記者們最忙的時候。又要試機，又要做街訪，又要去問舖頭。每一年大家都會見到熟識的先達廣場Lo哥，然後香港人睇到報道後，又只懂批評傳媒又搵佢，更有人老屈傳媒專登同佢夾埋，態度極為惡劣。其實，點解傳媒每年都要搵佢，其實要由十年前講起。
接近十年前，蘋果第一部iPhone登場，全城被Steve Jobs的手機全新設計吸引著。當年還有不少電腦雜誌，而winandmac小編當時正在明報旗下的Hi-Tech Weekly工作。不只是Hi-Tech Weekly，當年要做一個完整報道，就要盡量做多一點訪問。當年要做訪問其實極度困難，尤其要在先達找店舖做訪問就難上加難。作為讀者，可能只是去先達買東西，根本不知道就算「好吹得」的店舖老闆，於當年你同佢講上報紙雜誌，「影張相得唔得」，這些店舖老闆永遠都係唔得，甚至乎有一些老闆見到你想影部機，都不太高興，「唔好阻住我做生意啦！」。
當然，有記者會花極長時間打交道，但也不一定會成功。就算當年香港蘋果有專門公關部門（現在已全交給大陸北京公關負責，因香港已是中國的其中一個城市），記者拿到機的時間也是當日甚至乎只是前一日，要找商舖訪問時間極度緊逼，而當年G-World Mobile的Lo哥，是甚少任影唔嬲的店舖之一，更願意出鏡接受訪問。
[the_ad id=”41111″]
小編還記得其後難以向香港蘋果借機後，先達Lo哥於拿到iPhone或iPad新貨當日，更會願意拆開一部全新iPhone或iPad，讓記者任影任試，甚至乎拿出街短暫試機。若果大家有試過iPhone或iPad開賣當日去先達Lo哥的舖頭看看，很多記者都擠滿他的舖頭。雖然Lo哥有時都會黑黑地面，但最少記者問到的要求，任不少傳媒訪問一整天，他都盡量答應。
聰明又嫌尖的香港讀者又會說：「咁佢為咗搏宣傳者！」。係，佢可能為咗搏宣傳，但當年很多店舖連搏宣傳都不願意。作為記者，我們尊重這些不想上鏡的舖頭，但若果先達Lo哥願意合作又十分幫忙，在時間極為緊逼情況下，當然會先找他作訪問。作為記者沒理由因為Lo哥上鏡上得多，就夾硬去其他先達店舖花十幾日去跪求其他店舖訪問，然後報道出街後，香港讀者又唔理，俾個Like和Share又覺得好似俾咗五百萬又或要咗佢條命咁慘。
