GoGoVan林凱源就染紅回應太串嘴？　　我地撐佢喎其實！

日前有很多人瘋傳的一片文章，就是GoGoVan林凱源在一個記者會中回應染紅的問題，他嬲爆說：大家揼晒你部電話，唔好用！報道一出，全城不少人狂罵。其實，呢個後生仔無做錯嫁喎，你地做乜要罵佢者？

[the_ad id=”41111″]

係香港呢個地方，上到位就係神仙。之前有一間網上新「媒體」，以偷圖偷片上位，大家香港人不是一樣讚好嗎？唔係好多人都唔記得佢偷圖偷片，然後大叫香港做創意都上到位嗎？點解你地對一個所謂「媒體」就咁寬鬆，對林凱源就咁惡？佢都係講咗個事實出黎，你唔淘寶者，你身邊朋友唔淘者，大把人淘喎。正等如你見唔到人用iPhone，都唔可以走去講：我目測Android用家比率高達98%，蘋果已死囉！

仲有呀，啲人成日話：我Delete GoGoVan囉，永世唔用囉。正等如啲人成日都話唔睇無綫，無綫咪又係收視一直唔差，咪又係大把人睇myTV Super！若果真係咁有型咁有效，GoGoVan而家淨計香港市場佔有率，就唔會咁高啦。

你走去咒啲衰人，話：你咁霸氣串嘴因住最尾個幾年呀！好似好型，但其實呢班人根本頭到尾都唔會有報應，而且佢地由始至終，生活過得俾你好，賺嘅錢又俾你多，又出名過你。活係香港呢個地方，上到位最重要，若果係做初創好似GoGoVan咁嘅，最緊要就係有人投資，平心而論佢地係香港市場已經搵緊錢。

你係度話做人應該要厚道、要尊重人、要點點點、睇住把口、唔好做衰人，最終係呢個奇怪香港，就會搵朝唔得晚，生活極度辛苦，然後係度自我安慰，話我人生唔富足，但我對得住自己。