阿鬼
當你看到《姊妹欲蒲團》Rough Night的電影預告時，可能會覺得是另一套Hangover醉後大丈夫的女性版。不過，看過之後才發現，這班姊妹癲起上來，其實可以癲得有點不一樣，令大家覺得電影出奇地有趣又好睇。
故事背景相當簡單，其實就是講述施嘉莉祖安遜Scarlett Johansson飾演的謝絲Jess Thayer，本身事業有成，並正在參選想成為州議會的議員。正當忙到爆的時候，即將與Paul Downs飾演未婚夫Peter（上圖）結婚的她，應姊妹要求出席婚前派對。派對中當然搞笑事情百出，亦有不少麻煩。
[the_ad id=”41111″]
原本以為一班姊妹的婚前派對，應該都是喝醉酒，然後不知道做了什麼而已。結果導演絞盡腦汁，當中加了不少有趣的情節，死了一個性感舞男（Ryan Cooper飾演）不夠，仲要出現多次的騎呢情況，少少咸多多趣，的確係有少少估佢唔到。當然，結局大家都知道是Happy Ending，但當中一班姊妹瘋狂的派對，又真係幾好笑和有趣。
有部份影評指這套電影的笑位無聊，但其實喜劇本身就是要無聊，咁認真又點會好笑。入場前不妨放鬆一下心情，唔好理上文下理，睇下呢班人搞出個大頭佛，輕鬆笑一笑就好了。再加上，去看看過往在《復仇者聯盟》飾演黑寡婦的Scarlett Johansson，如何再突破演技做喜劇，已經值回票價。
戲中其他演員當然也起了很重要的角色，因為話明是一班姊妹，互相講壞話鬥氣真係少不免。再加上姊妹們聚在一起，總愛睇一些大隻仔，戲中就可見到飾演死人的Ryan Cooper如何在無對白下都咁搞笑，以及大隻仔Colton Haynes如何在戲中被瘋狂姊妹嚇親，都係一些另類有趣的笑位。
[ae-fb-embed url=”https://www.facebook.com/winandmachk/videos/1760577200635894/” width=”720″]
