阿鬼
網民無敵神駒放出一段錄音，播出一段聲稱鄭松泰在熱血公民內部工作的聲帶，最驚人的並不是相關的工作內情，而是他竟然說出「公眾係白痴」一句。突然間，全城又再一次反熱狗，反呢樣個樣。其實，大家有無諗過，佢講嘅說話又真係無錯呢？
香港公眾若果唔係白痴，就唔會咁多年被大陸政府逼到咁，都仲可以咁樣樣生存落去。香港樓價升到痴左線，香港人都可以當無事發生，仲日日新假期精神，得閒就去飲飲食食，白痴嘅先做得出啦，係咪？去遊行表達意見，唔係今天我，就係怕一句簡單說話，都會覺得過激。香港人仲唔係白痴？
[the_ad id=”41111″]
香港人白痴嘅性格，係網上都表露無遺。係香港大行其道的內容農場，白痴的香港人仍然滿口理性，同大家講：其實內容農場都有真嘢，都係二次創作，我睇唔出同一般傳媒有咩分別囉！偷呃拐騙上到位，香港人居然可以接受，仲唔係白痴過白痴？
唔好以為我地支持鄭松泰，民選議員講出黎唔尊重公眾，佢的確係唔啱嫁。但香港人咁鐘意反思，係咪又係時候諗下，自己係咪白痴？又或白痴過白痴？若然唔係白痴，香港又點解會搞成咁？
