阿鬼
《搶錢耆兵》睇個名就知係耆英組合，有Morgan Freeman、Michael Caine同Alan Arkin，就好似香港嘅謝老四、曾江同修哥咁，咩角色都演過曬，仲邊度有得輸！
不過咁，要3個老人家擔起成套戲，就真係要考編劇同導演功力，始終老戲骨做綠葉同大配角完全冇問題，但3個人撐起一套戲，劇情就要度身訂造。今次《搶錢耆兵》講3個老人家被人騙去退休金，生活冇著落，於是唯有請教高人如何打劫，務求可以拎返屬於自己果份退休金！
聽落條橋有少少似曾相識，不過橋唔怕舊最緊要係睇得開心，3位老人家在演技方面一定冇問題，唔單止Morgan Freeman同Michael Caine都交足課，就連級數叫做低少少的Alan Arkin，都令人有意外的驚喜，有些場口的表現甚至係3個之中最好的。但可惜《搶錢耆兵》令我有點失望，或者是《搶錢耆兵》這個戲名，讓我有太大期待，但笑彈未算太密集，故此有少許失望。
[ae-fb-embed url=”https://www.facebook.com/winandmachk/videos/1637272489633033/” width=”720″]
[the_ad id=”41111″]
另一個出事的應該是編劇，作為一套以打劫做主軸的搞笑電影，一就是徹底的以搞笑方式去做，一就是用鬥智鬥力的方式來處理，今次3位阿伯用智慧型劫匪的方式去打劫銀行，中間的破綻真的太多，但之後卻用天衣無縫的事後解說，尤其是最關鍵的一個部分竟然可以冇事，3個主角最後可以洗脫嫌疑，說服力就真的薄弱，這個應該是編劇的問題，影響了影片的可觀性。
當然，純粹睇3個老人家演戲，某程度上都已經值回票價。你更加可以對號入座，例如在現時的香港，對老弱貧苦照顧得這麼少，大家是否都應該想想辦法，拿回自己應有的一份呢？
