阿鬼
winandmac Media旗下的winandmac.com揭發早前內容農場都有藍剔認證後，頓時醒覺Facebook的藍剔認證原來有另一個意思。於是，便好好聽教聽話，努力偷圖偷片，差在未有偷文，減少寫原創內容。如今，終於獲得Facebook認同和嘉許，獲得藍剔認證。
偷圖偷片亂寫乃是未來傳媒之主流，winandmac.com未有學識，乃至落後一眾同期出道的傳媒網站。我們誠心悔改，除了學習內容農場的寫文方式，也好好向目前最多人睇的乜乜放假、芝士紫薯、我誤判我教人行山、條女仲大過啲內文、偷完片寫來源係YouTube等之類的網站學習，佢偷乜，我地跟住偷，終於令Facebook Reach觸及人數每星期都上升。
由於Facebook不問世事，偷唔緊要，最緊要多人按Like，只要你能像內容農場如此有影響力，就可以有藍剔認證。藍剔認證後，有關網站無論在Facebook搜尋、排名、抑或顯示次序都會大為上升。winandmac.com如今終醒覺跟隨主流，明白香港人鐘意食第三四手飯，辛苦努力下終獲Facebook認證。
據稱，winandmac Media獲得的藍剔認證為特別版，只有聰明人才睇得到，你又睇唔睇到呢？
