阿鬼
七警案打公民黨成員曾健超一事終於有裁決，拖足兩年幾，七警期間收full pay，如今香港法例第212章侵害人身罪條例第17條意圖嚴重傷人，最高判刑終身監禁的罪不成立，改控第19條傷害他人身體的罪，最高判監禁3年。香港人就已經好開心了，認為公義終於得到表彰，法官聽取民意，認真笑咗。
[the_ad id=”41111″]
若事件發生在外國，再加上受傳媒廣泛報道，沒可能一直沒有快速處理。可是，七警案拖足咁耐，兩年幾三年都黎緊頭，政府無乜點理，離譜在於香港人仍然要出糧俾佢地，糧又唔駛嘔番出黎，佢地仲有其他警員幫忙籌款高達1000萬，去對付一個平民到唔平民的曾健超。如今，卻判了最高判監禁3年的罪，香港人覺得這樣就叫夠了？
此外，七警還有機會上訴，亦未有相關判刑。結果會否只判社會服務令，又或入冊後因表現良好提早出獄，暫時沒有人知道。他們資金充足，分分鐘仲有得打。真係唔明，拍曬片斷正，都要搞咁耐，仲話香港有法治，仲話有聽民意？聽條毛咩。你試諗下，若果TVB個記者無咁盡責，又或當初記者返公司後被河蟹，段片播唔到出唔到街，結果又如何？被人打完的曾健超會否被人告，反而七警完全無事。唔好話係假設性問題，呢幾年某啲新聞媒體係咁被人河蟹，分分鐘下個發生你或我身上。
近幾年什麼以胸襲警等政治式荒謬事件，香港人啲金魚記憶又好快唔記得。今次睇見七警罪成，刑都未判，就開心唔切。都係個句，香港人，都係抵死嘅。
相片來源：無綫新聞
