阿鬼
返到香港，好多野都要忍，但有樣野我真係要請教。點解咁多人會覺得香港食野平？首先，由統計數據顯示，香港長期係全球最貴城市既 top 5。有人會話，其他不算，咁只計食，香港係平。平時出街食野，可能30到40蚊可埋單。所以香港食野係平。但我覺得咁係對平貴既概念有完全既誤解。
[the_ad id=”41111″]
首先平貴與否，唔只視乎數字上既大小。平同貴，根本係一個 relational but not absolute value。要決定一樣野係平定貴，係取決於 what you pay in returns of what you get。你比1000蚊吃大排擋，咪貴囉，你比1000蚊買左架林寶堅尼，咪平囉。所以 the real question is: 你平時俾30至40蚊嘅eating experience係乜？
係香港呢個價錢，食物全部大陸五豐行入口，幾可肯定係雪凍，營養價值極低。進食環境方面，基本上無得乾淨，嘈音volume高至無倫，再加侍應一附不可一世既面貌同食完坐多陣都會被趕，呢幾十蚊買到的，就係甘多。
咁係大家口中咩都好貴既歐美，你可能比70至80蚊，換到係咩呢。個人經驗，會有新鮮食物，多數本土出品或有嚴格品質的入口食品，質好之餘，一定唔會比唔足料（例如香港食雪菜肉絲但得一條肉絲）。重點係，唔使受氣，唔使比人仇視，唔使比人趕走，環境係平靜同優美。
再加上，食呢一個環節，不只包含出外用膳。但香港嘅narrative永遠只會出街食，原因很複雜，但在香港超市買到既食物係貴到爆。外國一塊12安士既新鮮牛扒，30港元就有。這裡既Fusion，4安士要近70港元。雞蛋牛油肉類菜類零食云云，要是把質素和數量放在calculation equilibrium，我實在諗唔到香港係有咩平。
例子無謂再舉。但如果係咁嘅例子前面，都仲係要話香港食野平，我只能說我輸了。
作者：Ming授權winandmac Media刊登
