阿鬼
特首參選人林鄭月娥近排搭港鐵，唔識用八達通被人笑，嘟完之後唔識入閘。事隔幾日唔夠，又發生佢搬屋，屋企無廁紙係便利店買唔到，要搭的士走返以前官邸去拎。香港人笑佢離地，俾嬲嬲，話唔適合做特首。出黎打咗工咁耐嘅香港人仲唔明，而家上位做阿頭，一向都唔係取悅啲細，而係取悅大老細嫁啦！
今次唔係想講我地有無得選嘅問題（雖然都有少少關事），而係想講有出黎打工嘅香港人，都知有唔少公司選新上司的時候，會遇到一個明明完全無經驗無能力嘅人，突然坐咗個位。打死一世工，以為打好同事關係，努力做好啲就上到位嘅香港人，到頭來老細話唔揀你就唔揀，搵自己個仔或皇親國戚黎做上司，你吹得佢漲咩？
[the_ad id=”41111″]
無可否認，林鄭呢幾日的表現的確麻麻，講多錯多。但以佢同阿爺嘅關係，返到去氹掂阿爺，阿爺始終都係會叫啲手下投佢，推佢做特首。而家曾俊華入唔入到閘都成問題，林鄭入唔到地鐵閘者，搞掂阿爺個個閘口咪得！阿爺唔會要求林鄭識得買廁紙，同埋識得搭地鐵囉。最緊要識得聽中央政府話，唔會頂嘴，要佢做乜就做乜最重要。
唔好同我講雖然無得選但公眾言論有用，若果真係咁有用，香港就唔會搞到咁樣。香港人，居住成本居然仲貴得過美國三藩市。美國人就話可以離開三藩市去美國第二度，香港人呢？去邊好？不如諗下一陣Lunch和Dinner食乜好算。
圖片來源：無綫新聞
