阿鬼
近來Facebook狂推360度內容，又有不少公司大玩Virtual Reality，至於近來大熱的Pokémon Go則是Augmented Reality。可是，有不少傳媒經常把上述三者混在一起來說，沒有好好分清楚。今次，我們就教大家分清楚，下次看到傳媒報道時，不要再被混亂了。
以下原文經Leo To授權轉載，Leo To為Nuthon IT Solutions的創辦人之一，曾出品大量知名apps，包括洗車俠、衝廁、now新聞等：
Given 做呢行嘅朋友都成日搞亂以上三樣嘢
我用「人話」講解一次三者嘅分別
AR (Augmented Reality)，一句講晒就係「喺真嘅嘢上面有啲假嘅嘢」，常見例子係喺一個 live cam 入面貼圖，Pokemon Go 或者稻香雞煲app 都是範例。
AR 之中，亦通常再細分「有tag AR」同埋「無tag AR」，簡單嚟講就係「你影住一張圖或者一塊睇落好似QR code嘅tag先會彈嘢出嚟」同埋「就咁開住個 cam 都會彈嘢出嚟」嘅分別。tag-less AR通常會使用定位或指南針去指示是否有嘢彈。
VR (Virtual Reality），一句講晒，100%假嘢。我話之你用任何方法，總之你蒙騙一個人嘅感官，帶佢去一個「非現實」嘅世界，就係 VR。
插一插咀，360即係「360度拍攝」，條片可以睇晒360度嘅環境。
好喇，咁究竟 360 係唔係 VR 呢？
可以係，可以唔係，視乎「載體」。
大家都知，要播 360 片可以有好多方法，你擺上一個 360 度投射大銀幕又得，你喺瀏覽器 drag 到抽筋又得，喺手機上面轉轉轉都得。而 360 可以稱為 VR 嘅方法之一， 就係要個 player 戴眼罩睇片。By definition 因為你已經 100% 帶咗佢去你片中嘅世界，所以可以稱之為 VR。但頭先講嘅其他方法，都有真實環境存在，所以唔算。
最後，所謂 mixed reality，更加無固定定義，簡單嚟講就係將頭先你聽我講過嘅嘢隨意合體。
