實試：英國真‧無限4G計劃可真‧狂用　　平過香港幾多？

每一次同以前某啲行家講起，香港啲上網計劃真係愈黎愈貴，數據用量又少。佢地仲會大你一句：全世界有邊個國家，俾你真係無限用嫁！好多都係好似香港咁限住嫁炸！

其實，我係以前都已經寫過，美國4G LTE真係俾你無限咁用。今次講下英國，係咪都有真‧無限。

我自己係英國用3UK，每月£17（約HK$204），真‧無限數據（但不能分享給電腦用），當初落地的時候，因家中未安裝好寬頻，逼住係手機用住先。結果個個月用咗100GB以上，但速度從來無減慢過。之後個幾個月，平均每個月最少10GB或以上，亦都係無限過我速，睇片睇乜用Dropbox等都無問題，屋企都成25Mbps，覆蓋唔算極差。

當然，3UK係+X哥嘅，當然呢幾年都靜靜雞加咗唔少。好似係新一年，佢地就加到£20先有真無限數據，£17計劃得番12GB，但其實點計都仲係平過香港。再加上，英國啲Wi-Fi比美國更多，基本上好多餐廳都一定有免費Wi-Fi，巴士都有咁濟，最緊要通常係用到，唔似香港個啲成日都用唔到，學港人講句：咁真係用唔到咁多數據。

再加上英國的競爭和香港唔同，好似近排美國佬嘅Freedompop殺到，每月真正零蚊，都有成200MB，用1GB嘅都係£8.99，算合理。若果再想好啲，可以用EE UK，£21.59為6GB，前個排玩聖誕推廣，兩個月有200GB任你狂用⋯另外仲有giffgaff和o2等選擇。

悲觀一點睇，英國都有少少係「算啦，又佢啦」個種情況，唔似美國有個瘋狂的T-Mobile CEO John，都要有少少心理準備有一日加價⋯