阿鬼
雖則我咁講實俾人鬧，但香港人真係蠢到我呢個西人不吐不快。最近友站有篇文講放iPhone 6s，被人開曬名黎屌。其實，我成日都話香港人基本蠢的多，友站只係好叻仔咁識得香港人的心理（非曲線，真心讚）。
你問香港啲客，佢地都知香港科技網站有幾多個。佢地做Sales或Marketing負責落廣告或客稿的，99%都係打份工。你話俾佢聽winandmac寫得幾有心機，幾有heart，幾有記者良心，到最尾，佢地都係睇數字。小編係外國工作過，做過網站數據分析，對比香港班客，香港班客對數據的要求實在很高，而且係高到痴線。
講番香港，呢班Marketing或Sales打工都要睇數字，睇Effect。你話俾佢聽呢個網站幾咁堅持，但又無乜數據無乜人睇，到最尾都唔會落。佢一定揀一個十幾萬Fans，一落篇文最少保證有一定數量的like。我做marketing理得你之前寫過幾多垃圾文，我打份工俾老細交數，話用完錢落完客稿，有咁多咁多人睇過，交到數就唔怕老闆煩，Simple。你唔係以為，做老闆嘅，會同你分析下邊個邊個科技網有心，邊個科技網有獨家料，然後唔理人流數據？
友站夠膽寫呢篇文出黎，不用考究係咪投稿，最少已經獲得2000幾個like，人流最少推上幾個碼，Facebook News Feed見咗幾次佢相關的Post。你話會block咗佢唔睇，晨早unlike，到最尾其實都係會睇。就算你真係唔睇，其他人睇就得了。之前我們談過內容農場問題（我唔係話友站係內容農場，佢地有記者出去採訪，唔好誤會），在網站人流仍然繼續上升，而且來源仲有唔少係來自香港。你話啦，香港有90%人睇，鐘意標題夠juicy都已經夠啦！
正等於小弟呢排打機，日日打到爆粗話Line Rangers中紅蛙機率低，話要棄game，棄到今日呢一刻都仲玩緊。多一個經典例子，之前識得有個朋友，話無記劇集幾垃圾幾垃圾，點知過得一排，無意間提起「好似無記新個套乜乜乜咁囉」。你質問佢「你唔係唔睇無綫咩？」，佢就答你「咁公司咁啱有得睇，食飯有時候茶餐廳都有嘛，有乜計」。香港人總係唔諗下，放堆屎係你面前就一定要食？點解係公司得閒時，唔上網睇YouTube，去茶餐廳食飯咪同朋友傾計，無朋友咪睇手機。唔好同我講無綫收視下跌，你諗下若果你係廣告主管，有錢落無綫呀，定係收視狂跌的港視？香港人，話要改變要自由，算x數啦。
