阿鬼
PIXELS《屈機起格命》個戲名改得唔錯，夠港式，又表格到戲中的食鬼Pacman、Donkey Kong等遊戲主角起晒格的風格，之前齋睇Trailer都已經覺得正到爆，究竟真正入場，又有冇預期中咁正。
劇情講幾個80年代的小朋友，非常喜歡到機舖打機，更加參加過打機大賽，到長大後其中一個做了總統，而打機最勁的卻只是一個裝機佬，事業家庭兩失意。但到了這個年代，竟然有外星人以懷舊遊戲主角來攻擊地球，於是做了總統的那位，只好叫小時玩伴大顯身手，以當年的打機智慧來打低外星人！是否很劇透？小編覺得這些「情節」都是很牽強砌個故事出來，相信劇不劇透對大家欣賞《屈機起格命》毫無影響，反正是安排那些遊戲主角出場就是了！
睇《屈機起格命》當然睇特技啦，效果是特別的，尤其是近年興起一股Pixel風，例如Minecraft就好鬼紅，所以格仔風都幾多朋友buy，再加上幾場大戰的主角都跟足原本遊戲的設定，對於中佬來講的確是珍貴的回憶。最抵讚的是食鬼Pacman，它在街道中穿梭追逐的場面，有如將街機的畫面放到真實世界，視覺效果相當震撼。
至於演員演技方面，用番《中坑同學會》Adam Sandler、Kevin James的確選角唔錯，至於女主角Michelle Monaghan也算稱職，但坦白地講在這類電影中主角演技不是重點，而劇情也沒有什麼可以發揮的，基本上只是行行企企嘻嘻哈哈就OK，反而Peter Dinklage飾演的打機高手有較多發揮，有意料之外的驚喜。
好唔好睇？畫面上是好睇的，但劇情真的太易估，連打敗外星人的方法都和打機一樣，似乎就欠缺驚喜了。作為步入中年的小編來說，當然會為這套電影加分，特別是最後一次過把街機遊戲的角色來個大晒冷，就真的值回票價，不過對於90後甚至80後來說，共鳴感相對就沒那麼大，情況就如我們的懷舊金曲夜，甚麼秋官、阿姐一樣，你是那何年代的感覺自然良好，否則就未必可以完全投入了！
[ae-fb-embed url=”https://www.facebook.com/winandmachk/videos/vl.312126395653359/1118083738218580/?type=1&theater” width=”720″]
