阿鬼
啦，winandmac.com小編好少呃大家，小編目前真的身處在美國三藩市，但就唔係為咗快將舉行的WWDC 2015。小編唔係偷懶，係因為要入都唔係咁易入到，大家都明嫁啦，人生嘅嘢，你幾努力都未必買到第一層樓得，我地出曬力要求入去，但就係…唉。不過唔緊要，小編好似唔係佔中廢青，所以都有去會場附近八下，無諗過而家居然就有人排隊！
今次WWDC 2015舉辦的地點，為三藩市市中心的Moscone West，亦即是Google I/O 2015的地方。拍攝時間為當地時間晚上11點左右，已經有保安在把守，若行近一點拍攝也即時大為緊張。
雖然WWDC 2015的門票不能直接發售，也不可以即場講買，更沒有新產品可即場買，但這班程式設計員或許真的太怕沒有好的位置，所以決定提早一晚來排。
旁邊的AMC其實還會同時舉行Altconf，並會邀請一系列的Cydia的人出席，即時談論WWDC 2015。
