阿鬼
設計IT產品最高難度唔係要設計到幾hi tech，而係要設計到使用時好low tech，Apple就係一個實實在在的成功例子。話說近年好興航拍，但小編成日都驚自己會駕駛到隻機撞山或者落海，所以都唔係好敢試。不過新登場的航拍機Lily，就標榜防水易用，主打入門用家。
睇規格Lily就一般，可拍攝1,200萬像素相片、每秒60格的Full HD影片，只可以話普普通通。不過Lily最殺食的是不需要操控，只要你戴上一具小小的GPS衛星定位器，再把Lily往空中一扔，就會自動作出穩定飛行及拍攝畫面，非常適合戶外使用，不需別人幫手也能輕鬆在空中捕捉自己的畫面。缺點係只有20分鐘續航力、以及每小時25英里的慢速，但考慮到售價方面只是美金$499，即係三千多元港幣就有，又真係唔可以太多要求！不過499美元係預先搶購價，到明年2月正式上市時會調升到999美元，有買趁手囉喂！
[youtube url=”https://youtu.be/4vGcH0Bk3hg”]
