你地怪乜嘢日本達人偷美女寫真集？！　　係咪妒忌先

現在Blog界盛行，很多Blogger都被稱為什麼什麼達人。最近，就有人話阿日本達人劍心偷美女寫真集，仲上埋主流傳媒。我地就覺得成件事唔尋常啦，係咪有啲人妒忌先咁講呢？

我都同大家講過好多次，係香港最緊要係數字上做到最好，唔駛理其他，反正「搵食者，犯法呀」。你地怪日本達人做乜呢？諗深一層其實係咪香港有啲客戶有問題，下下都要幾百萬幾千萬人流，唔爆啲唔上下位，無數交，又點會有廣告客，點會有人sponsor先。

你估好似啲蠢材咁，日做夜做，大部份都話要原創，但又唔夠爆，仲未好似人地（上圖）咁上到主流傳媒，有咩用呢？香港人，不嬲都淨係睇數字爭排名嫁啦，你今日先知咩？好似香港成日話上網寬頻速度第一，事實上仍然有唔少人因為無覆蓋或電訊商不願覆蓋，用緊幾年前的ADSL，但香港人認為排第一就好威威好勁嫁啦。

又好似香港成日話上網幾咁方便，戶外有幾多Wi-Fi，幾多個熱點，大部份的熱點都多人用到爆用唔到又點，最緊要有排名，數字上贏曬就得！再睇下香港政府，下下同你講GDP乜乜乜經濟增值，香港人就會跟住話：係囉，佔中影響咗經濟幾多幾多個百分點，但又唔諗下，政府咁樣施政下，自己生活質素愈黎愈下降。

講番今次事件，人地日本達人都係為咗配合香港的客戶甚至乎香港人，數字贏曬咪得，上下報，人流又升幾個%，Fans數目又升下，Like又多啲，咁咪得囉。好過好似winandmac呢啲廢網站，日日係度講原創，曬氣囉，都交唔到幾百萬人流出黎同幾十萬Fans出黎，有咩好講。