阿鬼
網上世界搵食艱難，大家舊錢係得咁多，唔得俾A就係俾B！所以大家見到做拍賣網站就想做社交群組，而做社交群組的公司又想做網上拍賣，冇錯，今次踩過界的就是Facebook，原本舊飯唔夠食，索性俾大家響Facebook做買賣，一於要吞食天地！
錢，從來都冇人嫌多！美國媒體《The Next Web》報導，Facebook開始在部分使用者頁面上測試All Sale Groups功能。使用者可以一次過見到所有已加入社團內的拍賣商品、甚至公開社團的拍賣商品，最重要的是可以依類別尋找商品，有如大家平日上的拍賣網站。
在Facebook上這個功能有兩大優勢，首先是Facebook更個人化，安全性更有保障之餘，更可以根據你的口味提供更合你心意的產品；另外，大家可以在Facebbook上完成整個過程，即是不用再到其他網站也可買賣二手物品，不過這個是好事還是壞事，小編就真的不知道了！
