造就內容農場網站的　　其實咪就係Facebook呢條仆街囉

自從輔仁媒體被Buzzhand抄文後，終於有愈來愈多人關注這個問題。Buzzhand抄文當然唔啱，但大家又有無諗過，係邊個造就呢種情況出現？其實咪就係Facebook囉。

Facebook的News Feed不停改制，令Fan Page就算有十萬人的網站，觸及的讀者人數可以低至幾百個。數小時前又公佈又改，講到明又會再跌。你話大公司就有錢賣廣告，若果唔係就有人Like但人地都睇唔到你的更新。網站為了爭人流，就必需寫一些吸引眼球的標題。

人的好奇心就是這樣，再加上香港人又要罵又要睇的奇怪性格，進一步養大內容農場。你問任何一個香港人，若果同你解釋一部新科技產品好唔好用，又或露奶，佢會睇邊篇？再問，若果有一篇稿寫什麼食炒蛋對身體有害，抑或分析炒蛋的營養價值如何，香港人會睇邊篇？社交網絡的興起，香港人日做夜做，唔似外國人識得批判減少對Facebook依賴，結果內容農場就愈黎愈多，特別在亞洲興起。就算有一日無咗Buzzhand，什麼life.com、大榴蓮、teepr等仍然繼續發展。

Facebook視投訴無到，大把人話Buzzhand侵權偷文假新聞，Facebook又佢唔理，進一步鼓勵他們的發展。再加上Facebook差劣的排序方法，讓Like和Share多的顯示更多，結果有營養的文章，像上述試用新科技產品或分析食物的營養價值，就愈來愈沒有人睇。這就等於現實生活中，富者愈富，貧者愈貧，差距不停擴大。Facebook面對此情況當然也不會理會，有人投訴時就叫他們俾錢賣廣告，最緊要有錢收，但又不知道付錢後卻對網站毫無幫助。看到Facebook公開講什麼Internet.org，講什麼no censorship，說什麼公平，真的是他媽的可笑。