阿鬼
美國富豪同香港富豪最大分別，除了香港富豪只識搞地產榨乾香港人外，就係美國有錢佬都會將身家捐出來，讓更多有需要的人士得益。
蘋果CEO Tim Cook是打工皇帝，尤其是近年蘋果業績非常理想，他的人工及批股更加和味，不過他接受《財富》雜誌採訪時表示，在他供養10歲的侄兒上完大學以後，將捐出所有個人財產用於慈善事業，共計約8億美元。其實之前他已經不時做善事，例如2012年就以個人名義向加州的醫療機構捐款5,000萬美元，又為Product Red慈善項目捐出5,000萬美元，可見Tim Cook本身也是有心人。
其實自從2010年Bill Gate和股神畢菲特號召美國億萬富豪至少捐出五成財富後，多位科技界人士包括Tesla的Elon Musk、Facebook的Mark Zuckerberg等都積極加入，可見美國有錢人對財富睇法真係比較瀟洒。不過我好想知道，為什麼Tim Cook要等到供完侄兒上完大學先捐出全副身家呢？畢竟以Tim Cook現時持有1.2 億美元蘋果普通股和6.65億美元的受限股，已經有60億港元，相信拎1億出來，他的侄兒已經可以讀到老了，究竟點解等侄兒讀完大學才捐錢呢？唔明。
