LG好醒目　　食住條水出G Watch R高貴版

做生意當然係見好就食住上，LG G Watch R在眾多Android智能手錶當中，反應都算相當理想，是繼MOTO 360後另一隻大家真係可以接受的智能手錶。原因只有一個，就係圓形！LG有見及此，加推一隻LG Watch Urbane，最大特色係今次玩斯文look，而且有金、銀兩色，針對真正想買「錶」的朋友。

講真，好多人買錶都係貪外形靚，智能手錶其實咪一樣，你搞咁多懶hi tech都係多鬼餘，LG終於都睇通大家的low tech需要，在LG G Watch R的規格上設計LG Watch Urbane，技術就無謂多講，都係冇咁反光Plastic OLED螢幕加IP67防水防塵，但就設計成有別於LG G Watch R運動錶款的斯文look，完全食正晒一班有品味的上班一族需要，LG Watch Urbane將會在3月2日的MWC 2015展覽上展出，雖然價錢及推出日期未定，不過睇樣就應該贏晒囉！