阿鬼
自從Sony推出無反全片幅相機A7之後，之後推出A7R、A7S、A7II一大堆無反全片幅(FF, Full Frame)機種，照計應該好掂，不過最近公布的日本銷售數據，卻發現Sony去年的銷售數字不斷下滑，由年初到年尾市場佔有率跌幅超過一成，可見日本人都唔係咁buy全片幅，究竟咁代表全片幅影相係咪特別正，大家可以自己諗諗。
從科技行業研究公司BCN的報告顯示，去年Sony在無反市場的佔有率係咁跌，相反Olympus就愈戰愈勇，同Sony只係相差幾個百分點，至於其他品牌，Canon、Ricoh同Fujifilm都慢慢上緊，Canon更曾經揚言想在2017年成為無反市場的一哥，但以現時Canon的市場佔有率只有一成，以及沒有什麼代表作，要爭第一似乎要花好多工夫喎！
