阿鬼
GoPro打開了一個極限運動的攝錄市場，不過永遠都有更專門的玩意，即將推出的iON CAMOCAM WiFi避震Cam仔，專門用來扣在鎗前拍照錄影，細小到有如鎗身上的配件一樣，打有一部，可以話由支鎗的角度睇晒一切過程，好爽！
iON CAMOCAM WiFi Cam仔厲害之處，是體積只有40x40x108mm，重量只是138g，但就可以拍攝1,400像素照片及1080p高清影片，其他規格包括180度廣角鏡頭、30呎防水水深效能、1200mAH鋰電可連續錄影約兩小時等，最抵讚當然是那個迷彩色的鎗夾，夾在鎗身上有如標準配置一樣，非常有型！當然，你不打War Game時可以拆出來作其他用途，上山下水踩單車都冇問題，售價方面＄299美金，計落二千三港幣左右，可以接受啦！
