阿鬼
唔知係咪近10年數碼化得太誇張，不少人懷念起未有數碼產品的年代，音樂方面多了人玩黑膠碟，影相方面一向都一班菲林死忠支持者，但想不到有人出app都玩懷舊，有如菲林般只可以拍24張相片，而相片更不可即時翻睇，要待相片沖曬後寄到你家中才可以看到，以數碼產品來拍攝非數碼產品，都幾前衛！
一隻叫WhiteAlbum的app，就係玩到咁絕，冇得睇冇得改，付出美金$20就會寄到你家中，相片是5吋ｘ4吋，好像寶麗來即影即有相片的風格，開發人員認為用WhiteAlbum影相，你就可以真正為自己而影，而不是志在放上網威威，尤其是平日用手機拍攝的照片，可能只會看一兩次，用WhiteAlbum的app來拍攝，大家對照片會更加珍惜，而且當你用回數碼方式的無限拍無限改時，你會更加興奮！雖然筆者覺得咁做係搵自己笨，但也得認同這個app夠創意！
