阿鬼
成日聽人講邊部手機影相靚、邊部影出來夠detail，但若然遇上採用1吋感光元件、Leica鏡頭的「統正血統」影相手機Panasonic CM1，又會唔會比得上呢？外國有記者就在場內試玩了CM1，結論都係話：似相機多過似手機！
老實講，成部機的外形以至包機的仿皮，已經令你感覺在用Panasonic的GM無反系列，4.7吋、1920 x 1080的螢幕，夠清又夠自然。系統就用Android 4.4 KitKat、規格大路如Qualcomm Snapdragon 801四核2.3GHz、2GB Ram，只係16GB內置容量，對於強調可以影靚相及拍RAW檔案就唔係太夠用，一定要買張大容量記憶卡補救。賣點1吋感光元件、Leica鏡頭F2.8-F11光圈2000萬像素、4K 錄影 ISO 25600 感光度，可以話冇得輸，不過定價就差不多成萬元，打個折都八九千，對於一般人一定係貴，但對攝影發燒友來講，一支鏡頭都要啦！
