阿鬼
柯達，20年前仍是雄霸天下的影像公司，但這些年來不斷轉型，卻總是愈轉愈衰！最近在CES就公布了建基於柯達技術的智能手機，講真，比山寨機都不如，究竟想點？
對於柯達，大家最期望的一定是影相功能及質素，後置1300期像素鏡頭前置500萬像素，大路貨色！據The Verge記者試影過，質素普普通通，絕對比不上iPhone，合作夥伴Bullitt聲稱這主要是想提供一部易用的拍照手機給消費者，不想和其他旗艦手機混淆，我聽完都唔知佢想點，難道出部毫無特色的手機，消費者就會好高興、瘋狂入貨嗎？Bullitt更指會在Android 4.4 KitKat版本上突出Print及Share兩個按鈕，讓大家更易和人分享相片？以我所知，要用打印機印相片的人已經不多，而要Share相片的人大把方法可以Share，證明呢部手機完全離地，不清楚時下消費者心態。賣幾錢？大約港幣二千，加多幾百都可以買部小米4，真係忍唔住要講句：X，柯達黎架喂！
