阿鬼
知名的KGI Securities分析師郭明池最近有新預言，就係12.9吋的iPad Pro會有支stylus，即係打破了Steve Jobs話用手指係最好的講法，唔知教主聽到佢地咁搞，會唔會彈返起身！
預期會在今年推出的iPad Pro，分析師郭明池估計會有支stylus跟，不過由於未知大家有幾接受，所以第一次推出時應該只是以選項形式，讓用家自行選擇是否需要。至於這支stylus有咩新功能詳情暫時未知，但據稱其中有一項3D手寫功能，可以凌空用stylus在空中繪畫，但不肯定是否在第一代iPad Pro已有此功能。教主曾經講過stylus冇鬼用，如果在平板電腦上出現，設計師只係會想吹走佢，不過冇所謂啦，教主都曾經講過iPod係永遠都唔會睇到影片，結果後來又一樣睇到，科技產品都係要睇時勢，唔好咁固執好！
