阿鬼
等到大家頸都長，香港電視開台終於開台，不過香港電視網站大力宣傳新劇之餘，還大力催谷網購HKTV Mall。講真，香港電視Vs對不思進取的TBB，大家當然寄予厚望，但網購卻牽涉到香港人一向以來的購物習慣，是否可以令到大家在HKTV Mall網購，的確唔容易。有幾唔易，就等記者分析一下。
要大家唔去街買上網買，只有3個原因：貨夠多、第度冇、價夠平！
先講貨夠多，港視宣布目前已有約300個商家加盟HKTV Mall，種類包羅萬有，但你又會唔會包羅萬有得過淘寶？如果多過淘寶呢個平台，香港電視都應該唔使再拍劇了。第二係夠獨家，如果以香港咁細的市場，有多少公司願意為港視生產獨家產品，咁獨特又可以賣到一定數量的產品又有幾多？第三要夠平，現時港視指會給予買家相當於交易額3%的現金回贈，於下次交易時使用。3%這個差價，要購買一些鐵價不二的產品先有用，否則大家落舖講價都已經有呢個著數，又何必一定要網購！我明白大家都好想港視成功，記者更加想佢打低TBB，不過要搞網購就完全是另一回事，王老闆要香港人改以網絡形式睇電視，已經是想打破大家幾十年的睇電視習慣，咁究竟是否可以一次過將香港人的消費者也同時改變呢？就等我地拭目以待。
